وزاره الاغبيه والتعقيد
امتحان شهاده اتمام الدراسه للثانوية العامه لعام 2010
الفزياء مده الامتحان : 6 اشهر من تاريخ الانتاج
اجب عن 375 سؤال فقط من الاسئه الاتيه
وطبعا هتقولولى مفيش العدد ده هقولكم بقاى الاسئله فى الدور التانى باذن الله الى هتدخلوه هتدخلوه
ملحوظه هامه : يجوز استخدام الاقلام الاسرئيليه والامريكيه والصينيه دعما للمقاطعه
الوزاره مش مسئوله عن اى سؤال خارج المنهج علما بان جميع الاسئله من خارج المنهج
السؤال الاول : -
ا - اختر من بين الاقواس
* اقلب القدره على فمها تطلع البنت ل ..... ( ابن خالتها – امها – اختها )
* المسئول عن تفجيرات 11سبتمبر هو ( بن لادن – ابن رشد – بون بون سيما – كل ما سبق)
* خطه الحكومه لانعاش الجنيه المصرى ( تشجيع المواطنين على مص القصب – زياده تصدير العسليه بالسمسم – زياده الانتاج فى البوغاشة – كل ما سبق )
ب - قارن بين
1 – الموتوسكل والترسيكل
2 – التاثير الحلزونى والتاثير الحلقى
3 – العبيط والاعبط منه
السؤال الثانى :-
أ- طائره بدون محرك تطير بسرعة 2م/س فوق البحر الاصفر بجوار كوالمبور سقطت فى الماء ( قبل اذن المغرب ) فاذا علمت ان سرعه الهواء 3 م /س – عمق الترعه 30 سم ، كثافه الماء 1000 كجم / سم فاوجد :
1 – اسم والده الطيار ورقم بطاقه جوز اخته
2 – الوجبة المقدمة على متن الطائره قبل غرقها
3 – عدد الركاب المزوغين من الكمسرى
4 – اسم وزير النقل والمواصلات بكوالمبور
ب – علل لما ياتى
1 – استخدام الصحاف لكلمه العلوج بدلا من المعاليج
2 - عدم سبغ شعر نانسى عجرم باللون الاصفر فى كليبها الاخير
3 – استخدام الاديب العالمى زكى حلمبوحة الجاز فى كتابه الاخير ( غرام تحت المزراب )
السؤال الثالث :
أ – ارسم بالتفصي المملل خارطه الطريق من المنظور الامريكى مع توضيح اشارات المرور والمطبات الصناعيه والحفر
ب – اشرح بايجاز كيفيه ادخال 4 افيال فى سياره 128 موديل 1988 بحالة جيده (للبيع الاتصال برقم الاتى بعد الامتحان ) ثم اذا اصتحب كل فيل زوجته وضع كيفيه ادخالهم فى سياره بى ام دابيو الجيل السابع
(برضه للبيع وفى نفس الرقم وفى عندنا موديلات كتير للى عايز ابقى خد ارقامنا من المراقب )
( بقيه الاسئله بالدور الثانى بعد الاولمبياد )
.gif)
الجمعة مايو 28, 2010 8:50 pm
