شعر فديت عيونك صارت لي

فديت عيونك الحلوه تبسم لو علشاني..


ياعمري الدنيا ماتسوى تنام وخاطرك زعلان

ولابه شي يستاهل يخلي قلبك يعاني

طلبتك كان لي خاطر تباعد عنك الاحزان

فديت عيونك الحلوة تبسم لو علشاني

حبيبي صار لي مده اشوفك تايه وحيران

وانا والله ليشفتك حزين تزود احزاني

انا احبك ولا ودي تعيش بدنيتك ندمان

ترى الايام محسوبه وتالي ذا العمر فاني

تصدق بسمتك والله تفرح خاطري الولهان

يطير من الفرح قلبي واصير بعالم ثاني

ولامن شفتك بضيقه احس اني انا الغلطان

اعاتب نفسي بنفسي ولو ماكنت انا الجاني

غلاك بداخل عروقي ولا يوصل غلاك انسان

يمر الوقت ويثبتلك غلاك ان الله احياني

اضحي عمري لعيونك تنام انت وانا سهران

وانادي جروحك لقلبي وتجي واحد ورا الثاني


سلامتكم..

تحياتي لكم
والمزيد قادم
امير نفسي